पाचगणीच्या विद्यानिकेतन विद्यालयाचे क्रीडा स्पर्धेत यश
वसीम शेख, प्रथमेश जाधव यांचे कौतुक
सातारा / प्रतिनिधी : जिल्हा क्रीडा परिषद व जिल्हा क्रीडा अधिकारी कार्यालय सातारा तसेच सातारा जिल्हा ॲमेच्यूअर वेटलिफ्टिंग असोसिएशन यांच्या संयुक्त विद्यमाने आयोजित जिल्हास्तरीय शालेय वेटलिफ्टिंग क्रीडा स्पर्धेत पाचगणीच्या श्री विद्यानिकेतन हायस्कूलच्या वसीम शेख या विद्यार्थ्याने कांस्यपदक पटकावून उज्वल यश संपादन केले आहे.
साताऱ्यातील छत्रपती शाहू जिल्हा क्रीडा संकुलात झालेल्या या वेटलिफ्टिंग स्पर्धेत श्री विद्यानिकेतन हायस्कूलच्या वसीम शेख या विद्यार्थ्याने कांस्यपदक पटकावले. तर याच विद्यालयाच्या प्रथमेश जाधव या विद्यार्थ्याने बुद्धिबळ स्पर्धेत रौप्य पदक जिंकले व त्याची जिल्हा बुद्धिबळ स्पर्धेसाठी निवड झाली.
दोन्ही गुणवंत विद्यार्थी खेळाडूंचे विविध मान्यवरांनी अभिनंदन करून पुढील यशासाठी शुभेच्छा दिल्या.
