पोलिओ लसीकरणापासून एकही बालक वंचित राहू नये, याची दक्षता वैद्यकीय विभागाने घ्यावी असे आवाहन आ.श्रीमंत छ. शिवेंद्रसिंहराजे भोसले यांनी केले.
भुईंज: महेंद्रआबा जाधवराव
रविवार, ३ मार्च रोजी पल्स पोलिओ लसीकरण मोहिम राबविली जात असून या मोहिमेचा शुभारंभ सातारा येथील कस्तुरबा गांधी रुग्णालयात आ.श्रीमंत छ. शिवेंद्रसिंहराजे भोसले यांचे हस्ते करण्यात आला.
यावेळी कस्तुरबा गांधी रुग्णालयाचे वैद्यकीय अधिकारी डाॅ.दीपक थोरात, गोडोली उप रुगणालयाच्या वैद्यकीय अधिकारी डाॅ.रसिका गोखले तसेच वैद्यकीय कर्मचारी, ANM, DNM तसेच गांधी रुग्णालय व गोडोली उप रुग्णालयाचा सर्व स्टाफ उपस्थित होता.
वंचित बालकांना घरी जावून दिला जाणार डोज३ मार्च रोजी पोलिओ डोजपासून वंचित राहिलेल्या शहरी भागातील पाच वर्षाआतील बालकांना ४ ते ९ मार्च दरम्यान तसेच ग्रामीण भागातील बालकांना ४ ते ६ मार्च या कालावधीत घरोघरी जावून पोलिओ डोज पाजण्यात येणार असल्याचे आरोग्य विभागाने स्पष्ट केले आहे.
