बेरोजगार महिला मुलींसाठी पंडीत दीनदयाळ उपाध्याय रोजगार मेळाव्याचे आयोजन

सातारा दि. 12 (जिमाका) : जिल्हा कौशल्य विकास रोजगार, व उद्योजकता मार्गदर्शन केंद्र, सातारा यांच्या वतीने सातारा जिल्हातील बेरोजगार उमेदवारांसाठी पंडीत दीनदयाल उपाध्याय रोजगार मेळावा दिनांक 15 फेब्रूवारी  रोजी सातारा स्किल सेंटर, रजत सागर कॉम्प्लेक्स, दुसरा मजला, पोवई नाका, सातारा येथे आयोजित करण्यात आला आहे. तरी सातारा जिल्ह्यातील जास्तीत जास्त नोकरी इच्छुक महिला उमेदवारांनी याचा लाभ घ्यावा.

या महिला रोजगार मेळाव्यात 10 वी, 10 वी, पदवीधर, आयटीआय सर्व ट्रेड, इंजिनिअर, अशा प्रकारचे 300 पेक्षा जास्त रिक्तपदे डिप्लोमा, https://rojgar.mahaswayam.gov.in या संकेतस्थळावर ऑनलाईन अधिसूचित केलेली आहेत. तरी नोकरी इच्छुक महिला उमेदवारांनी दिनांक 15 फेब्रूवारी  रोजी सातारा स्किल सेंटर, रजत सागर कॉम्प्लेक्स, दुसरा मजला, पोवई नाका, सातारा येथे आपली शैक्षणिक कागदपत्रे घेऊन प्रत्यक्ष उपस्थित राहावे. मेळाव्यात सहभागी झालेल्या महिला उमेदवारांच्या प्रत्यक्ष मुलाखती घेण्यात येणार आहेत.

याबाबत काही अडचण असल्यास कार्यालयाच्या 02162-239938 या दुरध्वनीवर संपर्क साधावा असे आवाहन सहायक आयुक्त  सुनिल पवार यांनी केले आहे.