लोकसभेच्या विजयाच्या “अजिंक्य” गुढीची मुहूर्तमेढ आज रोवली जाणार..
भुईंज : महेंद्रआबा जाधवराव
आमदार श्रीमंत छ. शिवेंद्रसिंहराजे यांच्या मार्गदर्शनाखाली सातारा-जावली तालुक्यातील कार्यकर्त्यांचा आज भव्य निर्धार मेळावा. सातारा लोकसभा निवडणुकीच्या अनुषंगाने सोमवार दि. ८ रोजी सायंकाळी ६ वाजता शेंद्रे येथील स्व. श्रीमंत छ. अभयसिंहराजे भोसले सांस्कृतिक हॉल येथे महायुतीचा सातारा व जावली तालुक्याचा भव्य मेळावा आयोजित करण्यात आला असल्याची माहिती भाजपचे आमदार श्रीमंत छत्रपती शिवेंद्रसिंहराजे भोसले यांनी दिली आहे.
या मेळाव्याला महायुतीचे विविध पदाधिकारी आणि मान्यवर उपस्थित राहणार आहेत. या मेळाव्यास सातारा आणि जावली तालुक्यातील सर्व पदाधिकारी, कार्यकर्ते यांच्यासह सर्व नागरिक, ग्रामस्थ आणि माता- भगिनींनी मोठ्या संख्येने उपस्थित राहावे, असे आवाहन आ. शिवेंद्रसिंहराजे भोसले यांनी केले आहे.
