किकली,ता.वाई येथे डॉ.स्वागत तोडकर यांचे व्याख्यान
पाचवड (प्रतिनिधी):
वाई तालुक्यातील किकली येथे कोल्हापूर येथिल प्रसिद्ध आयुर्वेदिक अभ्यासक डॉ स्वागत तोडकर यांचे बुधवार दि.६ डिसेंबर रोजी सायंकाळी 7 वा.किकली गावच्या परीसरातील वाड्यावस्तीवरील ग्रामस्थासाठी व्याख्यान आयोजित करण्यात आले आहे.
किकली येथील ग्रामपंचायत पटांगणावर हे व्याख्यान होणार आहे. घरगुती निसर्गोपचार पध्दतीने निरोगी आयुष्य कसे जगायचे तणाव मुक्त आयुष्य व आनंदी जीवन औषध विना आरोग्य या विषयावर डॉ. स्वागत जी तोडकर हे बहुमूल्य मार्गदर्शन करणार आहेत.
धावपळीच्या जीवनात आपले जीवन योग्य व सुखी कसे करता येईल व आपल्याला शांतता कशी मिळेल या संदर्भात व्याख्यान असणार आहे याचा लाभ सर्वांनी घ्यावा असे आवाहन संयोजक तथा उधोजक किरण बाबर यांनी केले आहे.
