जिल्ह्यातील अकरा पंचायत समिती सभापती पदांचे आरक्षण जाहीर
सातारा दि. 7 : जिल्हाधिकारी संतोष पाटील यांच्या अध्यक्षतेखाली सातारा जिल्ह्यातील सभापती पदासाठी आरक्षण सोडत घेण्यात आली . त्यानुसार ११ पंचायत समिती सभापती पदांचे आरक्षण सोडतीव्दारे प्रवर्गनिहाय निश्चीत करण्यात आले होते. त्याचा तपशील खालीलप्रमाणे.
खटाव पंचायत समिती-अनुसुचित जाती महिला प्रवर्ग, फलटण पंचायत समिती- नागरिकांचा मागास प्रवर्ग महिला, कोरेगांव पंचायत समिती-नागरिकांचा मागास प्रवर्ग महिला, महाबळेश्वर पंचायत समिती-नागरिकांचा मागास प्रवर्ग (खुला), खंडाळा पंचायत समिती-सर्वसाधारण महिला प्रवर्ग, पाटण पंचायत समिती-सर्वसाधारण महिला प्रवर्ग, कराड पंचायत समिती-सर्वसाधारण महिला प्रवर्ग, जावली पंचायत समिती- सर्वसाधारण प्रवर्ग, वाई पंचायत समिती- सर्वसाधारण प्रवर्ग, माण पंचायत समिती- सर्वसाधारण प्रवर्ग व सातारा पंचायत समिती -सर्वसाधारण प्रवर्ग या प्रमाणे पंचायत समिती सभापतींचे आरक्षण निश्चीत झाले आहे.
