पी एम श्री वाई न.पा. शाळा क्र.५ चे पूर्व उच्च प्राथमिक शिष्यवृत्ती परीक्षेत ऐतिहासिक यश
स्थापला नवीन रेकॉर्ड, तब्बल २८ विद्यार्थी गुणवत्ताधारक..!
वाई : फेब्रुवारी 2025 मध्ये घेण्यात आलेल्या पूर्व उच्च प्राथमिक शिष्यवृत्ती परीक्षा सन २०२४-२०२५ निकाल नुकताच महाराष्ट्र राज्य परीक्षा परिषद पुणेच्या संकेतस्थळावर प्रसिद्ध करण्यात आला. यामध्ये प्रशालेचे तब्बल 28 विद्यार्थी शिष्यवृत्तीधारक ठरले असून त्यापैकी आरव विक्रम तांबे हा २८८ गुणांसह राज्यात पाचवा तर सातारा जिल्ह्यात प्रथम आला आहे. प्रिशा सुमुवेल गावित हीने २८८ गुणांसह राज्यात पाचवी तर जिल्हयात दुसरी येण्याचा मान मिळवला आहे. तर शुभम वर्णे, शुभ्रा मोरे, यश साळुंखे, वेदिका जाधव, ईशान फडतरे, रुद्रप्रताप शिंदे, अथर्व सपकाळ, श्रीवेद मंचुके, देवराज आरडे, सुहास करपे, वैष्णवी कदम, अर्णव शेलार, आयेशा कासुर्डे, दक्ष महामुनी, स्वरा कोचळे, स्वरा सूर्यवंशी, सोहम येवले, प्राची घाडगे, वेदिकाराजे उदार, स्नेहल कचरे, वृंदा वाकडे, आराध्य शिंदे, स्वरा लोहार, स्वरा कदम, श्रवण जाधव, श्लोक काळे यांनी चमकदार कामगिरी करत जिल्हा गुणवत्ता यादीत स्थान पटकावले आहे.
प्रशालेचे वरिष्ठ मुख्याध्यापक श्री विकास जाधव यांच्या उत्कृष्ट नियोजन आणि संयोजनातून तसेच मार्गदर्शक शिक्षक सौ मनिषा माने, श्री नवनाथ शिंदे, श्री अपर्णा शिंदे, सौ रंजना गेडाम, सौ शोभा शिंदे यांच्या अथक परिश्रमातून हे ऐतिहासिक यश साकारले असून नवीन रेकॉर्ड स्थापित केला आहे. पूर्व उच्च प्राथमिक शिष्यवृत्ती परीक्षेमध्ये टॅलेंट बॅच उपक्रमाचा परिपाक म्हणून गत अकरा वर्षांमध्ये २३८ विद्यार्थी शिष्यवृत्तीधारक ठरले असून स्पर्धा परीक्षेच्या माध्यमातून महाराष्ट्र राज्यामध्ये प्रशालेने आपला वेगळा ठसा उमटवला आहे.
शिष्यवृत्ती तसेच इतर स्पर्धा परीक्षा मार्गदर्शन वर्गाच्या माध्यमातून प्रशालेने गुणवत्तेचाआपला असा वेगळा आयाम निर्माण केला आहे त्याचा परिपाक म्हणजे दरवर्षी पटसंख्येचा आलेख चढता राहिला आहे .यावर्षी प्रशालेमध्ये बालवाडी सह इयत्ता पाचवी पर्यंत 1300 विद्यार्थी ज्ञानार्जन करीत आहेत.महाराष्ट्र राज्यातील नगरपालिका कार्यक्षेत्रातील एकाच शाळेचे 28 विद्यार्थी गुणवत्ताधारक असणारी राज्यातील एकमेव शाळा ठरली आहे.
या अभूतपूर्व यशाबद्दल वाई खंडाळा महाबळेश्वर विधानसभा मतदारसंघाचे जननायक आमदार तथा मदत व पुनर्वसन मंत्री महाराष्ट्र राज्य नामदार मकरंद आबा पाटील, वाई नगरपालिकेचे मा. नगराध्यक्ष, श्री. अनिल सावंत, वाई नगर परिषदेचे मुख्य अधिकारी सौ संजीवनी दळवी, पंचायत समितीचे गटविकास अधिकारी श्री विजयकुमार परीट वाईच्या तहसीलदार श्रीमती सोनाली मेटकरी, कार्यालय अधीक्षक नारायण गोसावी, वाई नगरपालिका शिक्षण मंडळाचे प्रशासनाधिकारी श्री. साईनाथ वाळेकर, वाई पंचायत समितीचे गटशिक्षणाधिकारी मा. श्री हर्षवर्धन मोरे, शिक्षणाधिकारी गोंदिया श्री सुधीर महामुनी शाळा व्यवस्थापन समिती अध्यक्षा सौ. निर्मला चोरगे, उपाध्यक्षा सौ .वैशाली शिंदे तीर्थक्षेत्र विकास आघाडीचे अध्यक्ष श्री संजय आप्पा लोळे, माजी नगरसेवक श्री प्रदीप दादा चोरगे श्री. चरण गायकवाड, सौ. रूपाली वनारसे, सौ शितल शिंदे माजी नगराध्यक्ष श्री भूषण दादा, गायकवाड, श्री अमर जमदाडे माजी शिक्षण मंडळ सदस्य श्री शैलेंद्र देवकुळे, माजी नगरसेवक श्री दिलीप शिंदे, श्री राजेंद्र कासार, श्री रणवीर गायकवाड तसेच आजी-माजी नगरसेवक व शाळा व्यवस्थापन समिती सदस्य या सर्वांनी अभिनंदन केले .
