शिवशाहीर डॉ. विजय तनपुरे याची “सईधाम कॅन्सर हॉस्पिटल”च्या मानद विश्वस्त म्हणून नियुक्ती
राहुरी : प्रसिद्ध समाजसेवी आणि छत्रपती शिवाजी महाराज यांच्या कार्यावर आधारित पोवाड्याचे, व्याख्यानाचे व कीर्तनाचे कार्यक्रम करणारे शिवशाहीर डॉ. विजय तनपुरे यांना “सईधाम कॅन्सर हॉस्पिटल”चे मानद विश्वस्त म्हणून नियुक्त करण्यात आले आहे. हे निवडणूक निर्णय सर्व विश्वस्तांच्या एकमताने, ट्रस्टच्या सर्वसाधारण सभेत घेण्यात आले आहे.
शिवशाहीर डॉ. विजय तनपुरे हे गेली 36 वर्षे छत्रपती शिवाजी महाराज यांच्या चरित्रावर आधारित सांस्कृतिक कार्ये करत आहेत. याशिवाय, त्यांचे सामाजिक कार्य, विशेषतः दिव्यांग लोकांसाठी सुरू केलेल्या शिवाश्रम प्रकल्पामुळे त्यांनी अनेकांच्या जीवनात सकारात्मक बदल घडवले आहेत. त्यांच्या योगदानामुळे अनेक लोकांचे दारूचे व्यसन सुटले आहे आणि आत्महत्या रोखली गेली आहे.
त्यांच्या या कार्यासाठी त्यांना सईधाम कॅन्सर हॉस्पिटल आणि डॉ. माने मेडिकल फाउंडेशन व रिसर्च सेंटर, राहुरीच्या वतीने मान्यताप्राप्त मानद विश्वस्त म्हणून नियुक्त करण्यात आले आहे. या हॉस्पिटलमध्ये १७ विविध सामाजिक जबाबदारी (CSR) प्रकल्प असून, ग्रामीण आरोग्य आणि कॅन्सरच्या उपचारासाठी समर्पित कार्य सुरू आहे. या ट्रस्टला विज्ञान व तंत्रज्ञान विभागाच्या (भारत सरकार) वैज्ञानिक आणि औद्योगिक संशोधन संस्थेची (SIRO) मान्यता प्राप्त आहे.
शिवशाहीर डॉ. विजय तनपुरे यांची ही नियुक्ती त्यांच्या समाजसेवा व आरोग्यवर्धक कार्याला एक नवीन मान्यता आहे. त्यांची कार्ये, समाजाच्या सर्व स्तरांपर्यंत पोहोचून लोकांच्या जीवनात सकारात्मक परिवर्तन घडवण्यास मदत करत आहेत असे डॉ. स्वप्नील माने
संस्थापक व अध्यक्ष, सईधाम कॅन्सर हॉस्पिटल, राहुरी यांनी कळवले आहे.
