रोटरी क्लब ऑफ वाईकडून गरजू अपंग व्यक्तींसाठी कृत्रिम पाय आणि हात शिबिराचे आयोजन

अपघात वा इतर कारणांमुळे हात, पाय जावून अपंगत्व आलेल्या दिव्यांगांना या शिबिराचा लाभ घेता येईल.

वाई : हात आणि पाय नसलेल्या अपंग व्यक्तींना आधुनिक तंत्रज्ञानाने बनविलेले कृत्रिम पाय आणि हात मोफत बसविण्यासाठी मोजमाप शिबिराचे आयोजन रोटरी क्लब ऑफ वाई आणि रत्ननिधी चॅरिटेबल ट्रस्ट मुंबई यांच्या वतीने करण्यात आल्याची माहिती देण्यात आली.

सामाजिक सेवेत अग्रेसर असणाऱा रोटरी क्लब ऑफ वाई गेली 22 वर्षे सातत्याने अशा शिबिराचे आयोजन करत आहे. आतापर्यंत हजारो दिव्यांगांनी याचा लाभ घेतला आहे.

अपघात वा इतर कारणांमुळे हात, पाय जावून अपंगत्व आलेल्या दिव्यांगांना या शिबिराचा लाभ घेता येईल. ज्या दिव्यांगांचा गुडघ्यावरील पाय नाही तसेच कोपरापुढील हात नाही अशांसाठी हे शिबिर असणार आहे. हे शिबिर दि. 20 मार्च 2025 रोजी डॉ. मिरजकर हॉस्पिटल, भगवा कट्ट्याजवळ, मधली आळी वाई येथे सकाळी 11 ते दुपारी 3 या वेळेत आयोजित करण्यात आल्याची माहिती रोटरी क्लब ऑफ वाईचे अध्यक्ष डॉ. मनोहर दातार यांनी दिली.

तरी गरजू दिव्यांगांनी डॉ. मिरजकर हॉस्पिटलच्या 9145220665, 9146220665 या क्रमांकावर रांपर्क करावा असे आवाहन करण्यात आले आहे.