आ. छ. शिवेंद्रसिंहराजे भोसले यांनी सातारा जावली विधानसभा शक्तिप्रदर्शनाने उमेदवारी अर्ज दाखल.
सातारा : भाजप, शिवसेना (शिंदे गट), राष्ट्रवादी (अजितदादा पवार गट), आरपीआय (आठवले गट) आणि महायुतीतील सर्व मित्र पक्ष यांचा अधिकृत उमेदवार म्हणूनआमदार छत्रपती शिवेंद्रसिंहराजे भोसले महाराज यांनी सातारा- जावली विधानसभा मतदारसंघासाठी जोरदार शक्तिप्रदर्शनाने उमेदवारी अर्ज दाखल केला. अर्ज दाखल करण्यासाठी गांधी मैदान, राजवाडा ते पोवई नाका अशी भव्यदिव्य महारॅली काढण्यात आली.
या रॅलीत सातारा शहर, सातारा तालुका आणि जावली तालुक्यातील अबालवृद्ध, माता- भगिनी, युवा मित्र, हजारो कार्यकर्ते जनता हजारोंच्या संख्येने सहभागी झाली. पोवई नाका येथे शिवतीर्थावर छत्रपती शिवरायांच्या पुतळ्याला पुष्पहार अर्पण करून अभिवादन करण्यात आले . अर्ज दाखल करण्यासाठी खासदार श्रीमंत छ. उदयनराजे भोसले यांच्यासह महायुतीतील सर्व पक्षांचे आजी- माजी पदाधिकारी, सातारा जिल्हा परिषद, सातारा व जावली पंचायत समितीचे सर्व आजी- माजी पदाधिकारी, सातारा विकास आघाडी, नगर विकास आघाडीचे सर्व आजी- माजी पदाधिकारी- नगरसेवक, महायुतीतील सर्व पक्षांचे कार्यकर्ते, समर्थक मोठ्या संख्येने उपस्थित होते.
